Plantun de Prouvènço

Pèr coumpara dos planto d'encò nostre

Plantago lagopus & Leontodon hispidus subsp. hispidus

Pèd-de-lèbre

Plantago lagopus

Plantaginaceae

Autre noum : Auriho-de-lèbre.

Noms en français : Pied-de-lièvre, Plantain pied de lièvre.

Descripcioun :
Lou pèd-de-lèbre es uno planto de l'an que trachis dins li pelouso seco e li relarg roucaious. Li fueio blanquinouso soun tóuti basalo, e sort dóu pèd de poulìdis espigueto peludo e argentado (bratèio e sepalo) de 1,5 à 3 cm, que i'an douna soun noum.

Usanço :
Tóuti li fueio de plantage soun bono à manja, lou tout èi que siegon pas trop duro. En Sicilo fan bouli li fueio de pèd-de-lèbre e li servon emé d'òli d'óulivo e de sau (F. Couplan, op.cit. p. 352). Avèn pas d'entresigne segur, mai se poudrié qu'aguèsse li mémi prouprieta medicalo bèn couneigudo de soun cousin, l'erbo-di-cinq costo.

Port : Erbo
Taio : 5 à 30 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Blanco
Petalo : 4
Ø (o loungour) flour : 5 à 15 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero seco - Roucaio - Garrigo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago lagopus L., 1753

Moulin-de-prat

Leontodon hispidus subsp. hispidus

Asteraceae Compositae

Autre noum : Mounge.

Nom en français : Liondent hispide.

Descripcioun :
Lou moulin-de-prat es uno planto renadivo emé de racino que parton sus lou coustat. Si fueio soun quàsi entiero e sènso pecou. La subsp. hispidus èi la mai coumuno, si fueio soun gaire penado. La subsp. hyoseroides emé de fueio pu prefoudamen descoupado, se n'en destrìo subretout que trachis sus lis esboudèu. Coumpara emé la subsp. hyoseroides.

Usanço :
Li fueio, emai siegon pas di mai goustouso, soun manjadisso crudo o cuecho. Li racino podon servi en plaço dóu cafè .

Port : Erbo
Taio : 5 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Leontodon
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) flour : 1,5 à 2 cm
Flourido : Printèms - Estiéu - Autouno

Sòu : Ca
Autour basso e auto : 0 à 2700 m
Aparado : Noun
Abriéu à óutobre

Liò : Prado umido - Ribiero
Estànci : Mesoumediterran à Aupen
Couroulougi : Éurasiatico
Ref. sc. : Leontodon hispidus subsp. hispidus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Plantago lagopus & Leontodon hispidus subsp. hispidus

ges

Coumpara Pèd-de-lèbre emé uno autro planto

Coumpara Moulin-de-prat emé uno autro planto